退休警：父子同隊冇可能

警匪劇是無綫電視歷年的熱門劇種，亦是收視保證。但對執法者來說，不少警匪劇的劇情都與事實不符，誤導公眾，增加前線人員的執法困難。


剛退休的資深警務人員龔敏解提起無綫警匪劇就一肚氣，指近十年無綫劇集質素倒退，劇情脫離現實，以剛播映完的無綫台慶劇《巨輪》為例，「劇中扮演警員的陳展鵬與總督察嘅父親李國麟駐守同一隊，現實警隊唔會咁安排，以免偏私」。

「高級督察冇咁大權」

另一反駁位是扮演督察的陳展鵬同父異母弟弟竟然調查兄長，龔Sir稱，「警隊唔會畀親人去調查，以免有利益衝突，何況劇中個細佬對阿哥有偏見，咁會影響調查嘅公正性」。


要數無綫近年最爛警匪劇，龔Sir首推《神鎗狙擊》，指內容的真實性不足兩成，除無女警會像扮演督察的徐子珊，穿着幾吋高踭鞋執勤，劇中徐調查父親被殺案更是偏離現實，「徐子珊仲懷疑佢老竇係被警察殺死，呢啲咁嚴重個案，現實一定會交畀總區或O記去查，何況佢只係一名高級督察，冇可能有咁大嘅權力，好似全港只係得佢一個警察去查案」。


不少市民卻將這些偏離事實的劇集內容信以為真，曾任交通警的他在票控違例泊車時，就常被市民無理要求酌情處理，「試過有人違例泊低架車去食早餐，竟然叫我酌情處理，佢話：『電視劇經常都係咁。』」龔Sir質疑無綫劇集「都唔知有冇做過資料搜集，想當然以為警察就係咁，教壞市民」。曾在網上收看過香港電視劇集《警界線》的他大讚劇情貼近警隊實況，令人期待。