阿叻被爆與特首聯誼

寸嘴挑戰萬千熄機賀台慶運動的藝人阿叻陳百祥，言論犯眾憎連無綫中人也看不過眼，有自稱無綫藝人的網民踢爆他與建制派關係密切，幾個月前曾出席前特首夫人董趙洪娉的「董太飯局」，與梁振英聯誼，但阿叻否認有借飯局拉關係。而網民則繼續圍攻阿叻，發起熄電視捐款，要阿叻輸得口服心服。


一名自稱無綫藝員的人昨在網上留言，指控陳百祥曾設晚宴招待資深演藝界人士，梁振英、董建華董建華夫婦在席上現身，阿叻更揚言力撐梁振英，令不少在場人士感到反感及被擺上台。留言者附上遮去姓名的員工證以證身份。


陳百祥昨接受電話訪問時為飯局澄清：「飯局大約幾個月前，係董太以群力資源中心名義邀請，朱咪咪、鄭丹瑞都有去，係慰勞我哋一班幫過手嘅人，我就好似美國個卜合咁。」他又否認在飯局上揚言力撐梁振英。


阿叻又自稱命硬，指稱商台李慧玲訪問他後就被炒，「李慧玲做完訪問完我就俾人炒咗（調任其他節目），你哋可以話係我影響到陳志雲啦」。他又笑言：「我就嚟冇得做司儀，唯一轉去做特首啦！」


有份出席飯局的朱咪咪透露當晚出席者計有董建華夫婦、梁振英夫婦、中大及港大校長、高永文、戴德豐，娛樂圈則還有陳百祥、鄭丹瑞、鍾鎮濤、張敬軒、森美、車淑梅及製作人黎文卓。她表示：「大家嘅話題好少涉及政治，亦冇講過擦鞋嘢。」鄭丹瑞亦說：「餐飯都冇政治話題，只係風花雪月。」而車淑梅則透過WhatsApp回覆：「是董太邀約的，俾大家了解群力資源中心的工作。」

網民發起熄機捐款反擊
資料顯示，群力資源中心是由董太創辦，經常舉辦青少年洗腦活動，包括青少年軍事夏令營、探訪駐港部隊等。


有網民設立「齊捐$100熄電視噓台慶之要阿叻『跪˙回家』」facebook專頁。由於阿叻日前又宣佈若無綫台慶收視有30點便捐300萬元給慈善機構，企圖將收視與慈善掛鈎。網民為免熄電視行動被抹黑為令慈善機構失去捐款，於是反擊，呼籲市民熄電視之餘再自行捐100元給自己認許的慈善機構，並將捐款收條上載至facebook專頁，目標是希望有10萬人響應，捐夠1,000萬元令阿叻輸得心服口服。