隔牆有耳：愛港力要淨心BB消失 - 李八方

近來除咗一直親建制嘅自由黨同梁班子鬧不和，同樣係親建制派嘅愛港力，同埋另起爐灶嘅「愛港行動」一樣喺度「鬼打鬼」。


話說已經退出咗愛港力，另組「愛港行動」嘅陳淨心（圖），噚日傍晚喺facebook話，前晚有兩名愛港力成員到佢「愛港行動」戰友Alex位於荃灣嘅公司搗亂，仲引述嗰兩個愛港力成員話：「下一個會搞陳淨心，（同）喺佢身邊撐佢嘅愛國愛港人士，（要）搞散愛港行動同要陳淨心人間蒸發。」淨心BB話當時有閉路電視拍下過程，有證有據。佢話好擔心自己同身邊朋友嘅人身安全，所以事後去咗荃灣警署報警。八方問過警察公共關係科，截稿前未有回覆。