譚惠珠稱梁得罪大財團

中央銳意規範港澳特首述職安排，港澳辦主任王光亞更指特首述職要「找到不足」，身兼基本法委員會委員的譚惠珠昨瞓身為梁振英辯護，除指「找到不足」之說非針對梁，更稱梁施政被批評或因其房屋政策得罪大財團，新地聯席主席郭炳江否定此說，指譚的言論對大財團不公。

郭炳江反駁：真係好笑
譚惠珠昨在電台節目中指，內地新領導政權對官員操守提升，香港既是中國一部份，中央對特區政府要求增加是順理成章，護航指王光亞所指的「找到不足」說話，並非針對梁振英，而是針對港人對《基本法》認知不足。


問及梁振英施政屢受批評，譚惠珠更將矛頭推至大財團身上，指梁振英的房屋政策或得罪大財團以致被批評，她指出：「其實佢（梁）好努力喺到做，鏟走一啲老、大、難嘅問題，以前就有人成日鬧官商勾結，佢𠵱家就走出嚟幫大家搵地、搵屋，可能得罪咗一啲大財團。大家唔鬧佢官商勾結，就搵其他嘢嚟鬧」，她硬撐梁振英指：「佢好努力，但如果其他人『㩒住』唔畀你發揮，能力唔易發揮出來嘅。」


郭炳江昨出席活動後回應時稱：「呢個（說法）相當唔公平」，認為「大財團對政府嘅影響力非常有限……大財團只不過是反映聲音，政府聽不聽，係政府自己決策嘅事。」強調大地產商「唔會」亦「唔相信」可以影響政府：「從來新鴻基、郭氏家族，或者我認識嘅地產商，唔會喺政治方面有甚麼伏筆，好似（長實主席）李嘉誠先生都話過……（譚的言論）真係好笑，如果大嘅地產商可以影響政府，我真係唔相信。」