想知靚女咩年紀　同佢飲酒再唱K

不說不知，原來肥佬黎一早便想跟嘉玲會面，有次叫李純恩介紹給他，但因時間不夾而沒有成事。肥佬黎說：「我話好想好想見到劉嘉玲，因為呢個女人好神奇，睇吓佢個氣質呀，嗰個雷氣呀。今日見到先知道原來真係咁靚。」倪匡和蔡瀾很久以前已識得嘉玲，倪匡笑說：「佢初初出道嘅時候已經話佢好得意。」嘉玲反應甚快：「佢只係用『得意』嚟形容，即係我唔靚。」肥佬黎又取笑說：「咁點解𠵱家咁靚呢？唔係整形啫吖嘛？」嘉玲頓感沒好氣。


嘉玲解釋現在人變得有自信，便變得越來越靚，蔡瀾十分認同：「我一向話，好嘅女人係唔會老。」他又稱有些女人，你永遠不能套到她的年齡，唯一方法是灌醉她：「同佢飲酒，然後唱舊歌！」倪匡認為女人只要不討人厭，都是漂亮的，嘉玲問他哪些屬討厭類？倪匡說：「行動舉止唔討人歡喜。同埋動靜、打扮要同年齡相合先得，如果劉嘉玲梳兩個孖辮落嚟yeah（邊竪起兩個V字作可愛狀），唔可能話佢靚。」





得意定係靚?難為嘉玲定分界! 明晚11:00 《亂噏24》