隔牆有耳：立會懶蛇一click現形 - 李八方

過去市民想知立法會有邊個議員係大懶蛇，通常都要等「立法會議員天主教監察組」，一年先發表一次嘅年度監察報告，內容詳列立法會議員嘅出席率同投票取向等等。八方聽聞嚟緊有個好消息，因為立法會秘書處近日已經知會行政管理委員會成員，建議嚟緊喺立法會網頁，新增一個議員考勤欄目。


據知第日議員無論出席咗幾多個會議、或者處理咗幾多宗市民嘅申訴個案，市民只要上立法會網站click一click，都會即時睇到，議員表現一目了然。據知立法會秘書處知會行管會成員呢個建議時，不論泛民定建制派議員，都無人敢反對，睇嚟呢個新安排好快會成事。