環保袋任開價　反思金錢非一切

「原來我窮一生追求錢，到頭來蝕咗好多比錢更有價值嘅嘢」。七位年輕人大學畢業一年多，驚覺自己和朋友營營役役，為搵錢犧牲生活，猶如金錢奴隸。今年一擲10萬元在維園年宵開檔，檔名「MINE」代表「Money is not everything」，貨品讓市民自定價錢，身體力行「錢唔係最重要」。


領軍的沈敬笑言，未開檔已知蝕硬，但不惜工本提醒港人「除咗錢，人生仲有夢想、仲有健康」。生活磨滅意志，當你每日為兩餐苦惱，也許早已忘掉曾經有過夢想，淪為一條鹹魚。