陳啟宗指曾俊華「拖累港人」　金主力撐特首批財爺應下台

特首梁振英與財政司司長曾俊華就增加經常開支立場現分歧，眾「梁粉」為求護主連日向曾開炮，被視為梁「金主」的恒隆集團主席陳啟宗昨日斥曾俊華不應為加百億經常開支就「喊窮」、「牙痛咁聲」；又批評他任內單次派糖措施達2,000億屬「該使嘅唔使、唔該使嘅就使」，暗指曾不適合做「財爺」，「（曾俊華）拖累大家，拖累香港人」。


記者：林俊謙

連日來政圈為梁、曾對增加經常開支有不同立場，猜測兩人矛盾升級，梁振英昨開行會前企圖平息外界猜測，強調政府內部對理財哲學是一致，包括財金官員在內司局長均支持施政報告的理念，並堅守履行《基本法》要求，即量入為出和力求收支平衡等。


不過前行會成員林奮強日前已出手挺梁，力撐增加經常開支沒有問題，另一重量級梁粉陳啟宗昨日開腔轟曾俊華，陳啟宗出席香港明天更好基金活動時，先大讚施政報告做得好，「佢（梁振英）一年之內都做到咁多實際嘅項目出嚟，第一年嘅藍圖可以演變為第二年嘅實際行動，呢個都唔係簡單嘅一件事」。


但當記者問到曾俊華指新措施令經常開支「使多200億」時，陳啟宗即時向曾「開火」，斥曾不應為增加經常開支「喊窮」，反駁其任內也曾派2,000億單次紓困措施，「使多100億就牙痛咁聲，你話啦，有冇搞錯呀？」

曾稱尊重市民表達意見
陳又逐一批曾俊華派糖措施，指一次過措施屬「食餐飯」、屬「該使嘅唔使、唔該使嘅就使」；曾俊華曾撥款130億予醫管局保養工程，陳亦批評這樣做有問題，指130億「可以起十幾廿間瑪麗醫院」。


記者再追問陳是否認為「財爺出咗問題」，陳直言「我早就講咗啦」，暗示曾不適合做財政司司長，又指曾只會拖累香港，「佢（曾俊華）唔係拖累CY（梁振英），唔好乜嘢都CY，係拖累你，拖累大家，拖累香港人」，暗示要曾下台。至於政改問題，陳指現有政制非常有效，認為要防民粹主義抬頭，必須保留功能組別。


有政界人士指，陳啟宗向曾俊華「開火」，對梁振英並無好處，「唔會幫到梁振英，反而引人反感、越幫越忙」。民主黨立法會議員單仲偕亦不同意陳對曾的批評，指單次開支與經常開支不同，「冇錢可以唔派，但經常開支會一直累積，隨住人口老化，條數會越來越大」，曾作為財政司司長「佢有責任睇住盤數、要平衡開支同收入，唔覺得有問題」，亦不明陳啟宗為何不斷針對曾俊華。


財政司司長辦公室回應陳啟宗言論稱，尊重市民表達意見的權利。