隔牆有耳：　譚志源年宵中頭獎 - 李八方

政制及內地事務局局長譚志源噚日本身同保安局局長黎棟國行孖咇到維園年宵宣傳政改，咪以為佢哋兄弟同心，當遇上學民仔示威時，掌管香港治安嘅保安局阿頭黎棟國，竟然大難臨頭馬上飛，扔低兄弟閃咗去。結果譚志源不幸中伏，俾示威者用攬枕扑中兩次！


話說噚日兩人行維園，已經有十幾個保安護駕，行行吓突然有學民仔上前伏擊，表達對政改訴求，譚志源惟有收信，但呢個時候，黎棟國喺邊呢？唔好意思，維園很危險，佢已經唔存在……喺現場啦。現場得番譚志源接受訪問，其間社民連同熱血公民成員高呼「不要假諮詢」、「譚志源落地獄」等口號，有市民和應，但佢一於少理，聽到部份口號時更笑出聲。