港爸撲空慨嘆　　　「小學唔知點」

吸引逾千名家長排隊的信義會生命幼稚園，雖並非如北區一樣被雙非家長攻陷，但亦有少量雙非家長前來撲表。家住深圳灣的曾太昨晨8時到場排隊，她批評港府的原區優先政策不公平：「我哋仔女都係香港人！」她稱打定輸數，早於深圳的幼稚園報名以防萬一，「會試到9月開學，不過都冇乜嘢機會」。

或送子女往國際校
派表一刻才到場的區先生則撲空而回，他批評學位緊張，雙非家長責無旁貸，「都係雙非啦，係唔合理㗎喇！幼稚園已經咁，想像唔到小學係點」。他稱如找不到學校，會將子女送往國際學校；郭太則稱長子及次女均已讀幼稚園，往年並無遇過同類情況，但今年幼子報讀五、六間學校仍無回音，前日早上10時開始與丈夫輪流接力：「冇計啦，為咗仔女讀書，希望佢入到啦！」


前日早上11時到場的宋先生昨日更請假為愛女來取報名表：「為咗個女有書讀，冇得懶！」至於周宋主愛幼稚園亦有懷胎八個半月的陳小姐來排隊，她批評校方明知只有100張申請表，大可根據排隊數目預先派發：「安排不當囉，都唔體恤吓家長！」