隔牆有耳：李慧琼榮登行會避席王 - 李八方

有傳媒話呀，身兼行會成員嘅民建聯立法會議員李慧琼（Starry），幾乎每次開行會都要避席咁滯，即係乜嘢都傾唔到。由於Starry身任畢馬威嘅資源培訓總監，而畢馬威客仔遍佈各大企業，又難怪會容易涉利益衝突嘅。Starry都話唔想吓吓都冇得傾㗎，佢仲建議行會改善申報機制，最好參考城規會方式，就係如果委員本身有利益衝突，申報後可以討論、但唔可以表決，咁佢咪唔使吓吓要走人囉。Starry噚日拖埋兩位黨友鍾嘉敏同鄭泳舜，齊齊大談教育政策建議，叫政府加多啲資源做好幼兒、中小學同大專教育，唔知狼英會唔會喺施政報告吸納佢嘅意見呢？