隔牆有耳：科學園英文告示牌出醜 - 李八方

繼匯豐銀行宣傳海報串錯兩個英文字後，今次輪到大埔科學園出事。有網友日前影到，園內告示牌叫人唔可以帶狗入內，但有註明「導盲犬除外」，不過對應嘅英文寫成「Excepted Guided Dogs」，三個字錯咗兩字。


首先意思指除外的Excepted，唔應該加ed變過去分詞，好多告示牌都係寫Except；而導盲犬英文應是Guide Dogs，香港導盲犬協會都係咁寫，Guide後面唔使加d。


管理科學園嘅科技園公司回應話，有關告示牌為臨時性質，只喺園內放置咗一段短時間，噚日知悉後已立刻更正，並為市民同園區用戶帶來不便及影響致歉。