隔牆有耳：支持學民　盧婆婆鬧爆狼英 - 李八方

噚日元旦大遊行，八方撞見一位有心有力嘅老人家，佢係邊個？咪係當年反對領匯上市，敲過董建華個老虎頭嘅盧婆婆盧少蘭囉。76歲嘅佢，相當精靈，提到689狼英，佢話呢個人，最初懶係轟轟烈烈關顧基層，之但係3,000蚊全民退保冇料到，只係搞咗個唔湯唔水嘅2,200蚊長生津出嚟。盧婆婆話自己冇申請到長生津，點解？查家宅咁查法容乜易俾人拉！


啲長者福利搞到咁差，歸根究柢，咪都係因為冇得普選囉。盧婆婆話，如果一人一票，佢唔滿意狼英，都可以換人。咁政改方案呢，佢就撐學民仔嘅公民提名，皆因簡單直接，自己鍾意提名邊個就提邊個。