隔牆有耳:Kim Robinson為長者變髮 - 李八方
想搵城中名媛巨星至like嘅形象顧問兼髮型設計師Kim Robinson整個靚靚髮型過新年,一啲都唔容易㗎,事關佢客似雲來,出動重金都未必請得到。但呢位大師周日就會義務為長者變髮,兼且教佢哋形象大變身。
原來Kim Robinson應邀喺呢個周日,親臨指導懲教署歌連臣角懲教所嘅青少年所員,為香港耆康老人福利會柴灣長者地區中心約50位長者義務理髮。
本身參與呢次變髮行動嘅所員,原來都係港島童軍第221旅嘅童軍成員,𠵱家正接受緊髮型設計班嘅訓練。相信喺大師Kim Robinson指導下,呢班學員應該袋到唔少秘技落袋。
沒有留言:
發佈留言