隔牆有耳：吳得掂頻外訪好疏乎 - 李八方

舊年邊位司局長最疏乎？八方覺得教育局局長吳得掂喺梁班子入面，應該算係幾嘆㗎嘞，事關撇除有實質招商需要嘅商務及經濟發展局局長蘇錦樑，吳得掂今年外訪次數總共九次，離港日數達37日，用咗成近90萬公帑；相對起外訪咗21次、離港54天嘅蘇錦樑所用嘅108萬，只係差少少咋噃。最近有讀者就提供咗一張吳得掂坐商務客位嘅飛機私密照，見到吳得掂喺商務客位，優哉游哉咁着住坐飛機必備嘅消腫襪，開住盞燈批閱文件咁款。盛傳佢因為外訪冇睇文件，唔知林慧思所屬學校已提交報告，鬧出一個小笑話，相信佢見過鬼都怕黑。