隔牆有耳：戴耀廷　　自組佔中後援會 - 李八方

最近呢，快必譚得志有份參與嗰個「佔中後援會」好出位，早前民主黨決志佔中，佢哋全程聲討，聲勢仲威過愛港力。有泛民中人就講笑話，呢個咁嘅佔中後援會，搞搞震冇幫襯，實際上應該叫係「佔中後庭會」先啱。不過呢，八方聽聞佔中發起人戴耀廷，最近真係有心打正旗號，搞番一個「愛與和平佔領中環後援會」㗎。呢個正版佔中後援會，會強調「愛與和平」四個字，主要由佔中義工組成，幫手落吓區擺街站、做吓宣傳等支援工作。