棄高薪離港追尋人生意義　經理變非洲孤兒院長

「以前得閒去吓台北，得閒去吓曼谷都幾舒服，去到就要諗菜單，今日飲唔飲牛奶、邊日食雞蛋、幾時換校服，都要我理」。2011年之前的伍尚智（Keith），是大型航空公司的「高管」，一直研習佛學的他，突覺人生上半場完結，「我想自己嘅人生係做乜嘢嘅呢？」懷着這個大問號，他辭去任職10年的公司，跑到非洲馬拉威（Malawi）當了一年孤兒院院長，發掘生命更多可能性。


記者：張嘉雯

由經理搖身一變為院長，七十後的Keith問自己，「我想自己嘅人生係做乜嘢嘅呢？」自從到非洲任院長後，生活出現重大轉變，由研究航線、買飛機、覆電郵，變為每周工作7天，每天24小時「on call」，從照顧小朋友剪指甲到安排早餐麵包數量，由建圍牆到買地建新孤兒院，全部是他的工作。

教非童英文及數學
由伍尚智管理的阿彌陀佛關懷中心孤兒院，首要收容「雙孤」，由手抱嬰兒，以至17歲的青年，全院一共有250多人，院方提供12年免費教育，培育當地的兒童長大後從事繙譯工作。


Keith直言，非洲當地的人均壽命短，平均只得51歲，這點最令他感慨，「差唔多個個禮拜都有學生要請假返屋企奔喪，因為當地愛滋病（感染）係好犀利」。由於部份學生亦是愛滋病的帶菌者，Keith和其他義工要安排他們定時食藥和為他們監察身體狀況，以防病情惡化。


和Keith一樣，選擇到非洲找尋人生意義的余宗翰（John），自2010年畢業後便前往馬拉威，教授當地的非洲孤兒英文及數學，為期三個月。

為小朋友建足球場
本身是修讀土木及環境工程的余宗翰，更與小朋友合力建成簡單的足球場，「最初諗冇尺喎，咁點樣量度個角？後尾諗吓，原來用張紙咪得囉，其實好多嘢原來唔係我哋諗到咁複雜」。


多年來到過各地探訪兒童的彭海瀛（Phyllis）認為，阿彌陀佛關懷中心與一般助養兒童的機構十分不同，捐助人和助養者可以建立更加深切的關係，「有機會見番佢哋，同只係可以一世用書信交流其實係好唔同㗎，既然大家都係畀咗咁多錢，點解我唔揀一個可以喺香港同佢哋見番面，又可以影張相嘅助養機構呢？」


阿彌陀佛關懷中心於2004年正式成立，在非洲多個地方包括馬拉威、莫桑比克、史瓦濟蘭等地，進行收養及培育非洲孤兒的工作，除了興建學校外，同時亦提供糧食等方面的救濟，該機構目前在當地已認養的孤兒接近4,000名。


該會創辦人慧禮法師與一眾非洲孤兒將會於明日抵港（28日），宣傳明年1月的慈善演唱會。