隔牆有耳：　　科技局泡湯　CY賴泛民 - 李八方

有班資訊科技界人士，好似互聯網專業協會會長洪為民咁，一直對增設科技局死心不息，覺得就算5司14局嘅新政府架構重整建議喺上年俾泛民拉布，𠵱家都應該捲土重來，至少增設科技局啦。


據聞一班IT業界中人，早前都喺某活動中質過狼英，究竟仲肯唔肯推科技局先？點知狼英回應話事件棘住咗嘅時候，竟然卸隻鑊去立法會度，話有議員表明要用全民退保做交換條件，否則會就此拉布，仲叫業界畀多啲壓力班議員先重要。八方聽落，狼英好似覺得，特區政府係好似冇責任，千錯萬錯都係立法會錯咁；查實喺政策局頻生醜聞之時，多一局不如少一局啦，狼英應該多謝泛民至真啦。