隔牆有耳：　　華叔正能量墨寶拍賣 - 李八方

華叔生前手字靚係人都知，嚟緊周六拍賣嘅一幅字畫，更透露本身係基督徒嘅華叔，原來對佛學亦有一定研究，識得用佛偈開解朋友。


據普藝拍賣有限公司副總經理莊志崗透露，幅字畫係一名現已退休、年過70歲嘅男教師所寄賣，回歸前曾因家境問題，搵時任教協會長嘅華叔幫手；華叔當年除咗用言語開解佢，仲特別送咗幅寫上「行住坐卧觀自在 喜怒哀樂心禪那」嘅字畫畀佢，令佢當堂充滿正能量，樂觀面對逆境咁話。據莊先生講，過去拍賣會上，華叔嘅字畫都好搶手，呢幅華叔寫嘅佛偈更屬少見，有興趣嘅朋友周六朝早10點半可去到拍賣行參加競投，暫時底價為5,000元。