隔牆有耳：　　陸恭蕙企硬搞焚化爐 - 李八方

政府明年再將擴建堆填區方案擺上立法會，但查實受影響嘅地區點會想擴建？屯門鄉事委員會主席何君堯上周向環境局副局長陸恭蕙進諫，話不如試吓歐洲有隻更乾淨嘅新技術「等離子氣化」，取代堆填同焚化爐，但佢引述陸恭蕙企硬搞焚化爐，一啲都唔領情。


啱啱去咗荷蘭一星期考察垃圾處理嘅何君堯，話呢種歐洲技術冇碳排放、二噁英等，高溫處理由垃圾整出嚟嘅黑石，仲可以用嚟做建築材料，唔使堆填，佔地只係廿幾公頃，計埋設置廠房、引入技術約需100億，相反焚化技術要420億，力sell「等離子氣化」技術平靚正。所以就算陸恭蕙say no，何君堯都話繼續sell，會加緊宣傳。