旺角擺檔圓夢　盼續娛人娛己　行人區表演者力抗殺街

旺角，五光十色、熙來攘往，恍如時鐘日與夜在跳動；入夜後街道變得多姿多采，行人專用區內每十步就有音樂表演者、藝術家娛人娛己。有表演者只為尋夢，也有不少街檔是「假表演，真商業」。別人尋夢，但花上畢生積蓄添置安樂窩的唐樓住戶卻飽受噪音滋擾。區議會決定「殺街」，有表演者認為不能因管理不善就扼殺他們的生存空間，有人決定反抗：「如果畫畫都俾人拉去坐監，都幾驕傲。」


記者：譚靜雯

前藝員：擺啱音響唔擾民
西洋菜南街連鎖電器舖外，傳來悅耳歌聲，表演者熟口熟面，80、90年代TVB劇集中不難見到他的身影。Sunny（鄧宇昭）曾與王喜、古天樂一起拍過《烈火雄心》，大半生青春奉獻給電視台。九年前以為已經一圓夢想，離開娛樂圈，但近年的歌唱比賽卻重燃他的夢，「原來我有啲嘢未完成㗎，仲有條刺喺度，忘記咗自己最初入呢行係想唱歌」。他與志同道合的朋友用半年時間籌備，現在一星期三晚在行人專用區唱歌，繼續尋夢。

花8萬元添置
Sunny在TVB的時叫鄧汝超，最初在電視台工程部工作，「日日都對住藝人做戲，覺得都唔係好難，我應該都得，又恃住自己幾靚仔、後生，就去考藝員訓練班」。同期同學有周星馳、吳鎮宇，個個都獨當一面，大紅大紫，他都成功畢業、簽約，一做就20幾年。


鄧拍過的劇集多不勝數，在《烈火雄心》與王喜同屬慈雲山消防局，他是負責揸升降台的車長；在《笑傲江湖》做過三師兄，「最初對演戲唔係十分有興趣，做吓做吓就好鍾意，越做越落力，忘記咗自己最初入呢行係想唱歌」。


離開娛樂圈後，鄧做音響工程師，「以為自己已經完成咗夢想」。直至最近他看到多個歌唱比賽節目，「發現原來我有啲嘢未完成㗎，有條刺喺度，不如搞埋佢」。


Sunny用自己音響工程師的知識，今年初開始籌備，花費了大約7、8萬元添置音響，幾個月前開始在旺角行人專用區表演。Sunny笑言，整條西洋菜南街音響設備最PRO（專業）非他莫屬，「我主力唱中文歌，拍檔就唱英文歌，鍾意唱歌嘅人好似毒癮咁，呢一世都搣唔甩！」


行人專用區要「殺街」，Sunny明白居民苦況，他稱作為一個音響工程師，器材「擺得啱」就可減少噪音和滋擾，不影響居民之餘，又可以表演，「可以做到靚聲，又唔嘈」。


Sunny指出，要解決噪音問題，喇叭擺放的角度、聲音大、小都十分重要，「我哋個喇叭唔會向住對面嘅舖頭，啲聲去唔到對面，就唔會彈返轉頭，又唔會影響後面囉，向住兩條街嘅行人路，傳得遠啲都係條街嘅人聽到，音樂難啲上樓」。Sunny認為西洋菜南街已成為文化藝術的標誌，希望行人專用區的日子「多啲好啲」。