彩繪藝術家：扼殺基層娛樂場地

「What are we fighting for？I'm fighting for Art！」90後藝術家張卓宏（Andrew，圖）在旺角行人專用區擺檔近兩年，為途人畫上印度彩繪Henna。區議會通過「殺街」，最快明年初實施，為維護街頭藝術家的尊嚴、自由，他決定堅守、揚言會抗爭到最後一刻：「如果畫畫都俾人拉去坐監，都幾驕傲」。


印度的新娘子出嫁時會在身上畫滿Henna，代表祝福。Andrew自中學時期已接觸Henna，18歲時更遠赴印度深造，他今年雖然只有21歲，但曾到日本、台灣等地的街頭擺檔展示藝術。他在旺角街頭擺檔，盼更多人認識非本土文化藝。

「我願意為藝術犧」
西洋菜南街化身為藝術場地，Andrew直言：「我唔知係咪一定好好睇，無可否認有時唔好睇，至少每個人都有膽出嚟表演。」他又稱，行人專用區已經成為基層市民的免費娛樂場地，「好多基層住劏房，得80呎空間，點會願意留喺屋企，佢哋冇多餘錢睇戲，去museum要畀錢，去art center可能要着靚啲先入得，但喺呢度可以欣賞藝術、聽吓歌，跳吓舞，開心咁過一日，𠵱家殺街，佢哋一至五冇嘢做」。


這兩年內，Andrew曾遭小販管理隊警告、甚至檢控，但都不成功，「香港係一個國際大都會，點解唔可以容納一條街道畀藝術家生存？」


Andrew覺得在香港從事藝術工作，會被人當作為小販、乞丐，「Artist喺外國受人尊重，藝術家會有牌照，可以喺特定時段擺檔，第時殺街我會抗爭，可能平日照擺檔，想知佢哋用乜條例嚟拉我，我願意為藝術犧牲!」