隔牆有耳：高永文病鳥　狂包雲吞 - 李八方

近日天氣凍冰冰，好易傷風感冒，連本身係醫生嘅食物及衞生局局長高永文都中招。佢噚日出席立法會衞生事務委員會特別會議，講解肺炎鏈球菌疫苗補充計劃，無論係解釋政策定答議員問題，佢把聲都勁萌，兼且冇氣冇力，講幾句要停一停，仲不時用紙巾抹鼻水同眼水，八方都戥佢辛苦。其實呢位民望最高局長好可能係捱病。自從肺炎鏈球菌死咗兩個幼童，佢差唔多日日出嚟解畫，噚日去立法會前，仲晨早去主持政府化驗所成立100周年國際會議開幕儀式，加埋個幾鐘不停回答議員提問，連立會元秋蔣麗芸都話「病到咁就要休息」，局長點答？咪多謝關心囉，隨即又入番正題。