開樓上舖抗超市霸權　憑良心搞辦館港女創業賣有機產品

消委會早前發表報告，不點名重提阿信屋遭超市集團及太古聯手封殺平賣可樂，阿信屋呼籲多些小店加入，聯手殺出新路；有港女響應毅然辭職創業，開設樓上良心辦館，不經本地供應商直接從美國入貨，定價較超巿便宜兩三成，賣有機天然食品及日用品，讓消費者「有得揀」，希望陪伴自己成長的街坊辦館承傳下去。


記者：蔡朗清

蔡小姐日前專程到荃灣街坊商場南豐中心，跑到九樓美國派（USPIE）辦館購買有機食品，「呢度產品比超巿平好多，老闆對啲產品又好熟，肯花時間解釋點用，超巿點會咁樣招呼你？」首次光顧的黎小姐認為這些樓上店讓消費者多了選擇，「唔使淨係幫趁惠康、百佳」。


首次創業的Angel自小住荃灣，區內原本有不少士多、辦館，貨品便宜，但兩大超巿越開越多，辦館買少見少，「兩大超巿獨大，啲產品不斷加價」。眼見士多式微，Angel兩年前計劃開樓上辦館，儲夠錢後辭工開店售有機食品及日用品，「港人𠵱家好注重食品安全，內地成日爆食品污染，鄰近日本又有福島核輻射影響，決定賣美國產品」。

直接從美國入貨

她最初曾向本地有供應兩大超巿的供應商取貨，但批發價錢高得令人卻步，料受超巿壓力，「佢哋畀批發價根本冇得平賣貨品，見阿信屋賣水貨突圍，我決定直接從美國攞貨，貨品定價等於之前供應商批發價」。她又自設網站（www.uspie.com.hk）擴闊客路。


小店售賣的有機天然產品五花八門，如煉奶、即飲雞湯，以至波板糖、紫菜等，還有洗頭水等用品，「美國有機認證好嚴謹，好似煉奶咁，一定要有機飼養嘅牛、有機種植蔗糖嚟做，唔可以有添加化學成份。我屋企人喺美國住，啲產品用過覺得唔錯先拎番嚟賣，包括當地老牌有機產品Trader Joe's」。


阿信屋老闆林偉駿說，更多小店加入巿場是好事，「小店透過網上平台搵貨平賣，有助對抗惠康、百佳」。