隔牆有耳：月薪$20,170　特首別墅請家務主管 - 李八方

新界東北發展計劃毀人家園，卻唔敢掂專畀富豪打波嘅粉嶺高爾夫球場，早前狼英為咗平息市民嘅憤怒，話願意將特首嘅粉嶺別墅納入新界東北嘅發展範圍。呢張支票唔知有幾真，點解？因為別墅近日登咗招聘廣告，一次過請家務主管同初級家務助理，兩個職位噚日已截止申請，所以粉嶺別墅點會咁快摺埋呢！


家務主管月薪兩萬蚊，同美國駐港總領事夏千福請管家嘅人工差唔多。雖然對學歷冇乜嘢要求，但係申請者要起碼喺大戶家庭或大型機構做過六年家務工作。經驗少啲都可以申請月薪1.3萬嘅初級家務助理。申請人識講普通話就最好，梗係啦，狼英成日要搞「內交」，要服侍唔少內地幹部㗎嘛。