隔牆有耳：支持May姐　周梁：用雞汁冇問題 - 李八方

May姐用雞汁用到出神入化，但係好多觀眾dislike，同佢份屬友好嘅自由黨主席周梁淑怡，噚日一邊鬧爆狼班子唔解釋點解唔發牌畀港視，只識以行會保密做擋箭牌，一邊又為May姐伸冤：「自由市場，觀眾有得揀㗎嘛，觀眾嗰廿幾點（收視），表示佢哋唔介意嗰啲雞汁啦！」


八方問莎姐有冇慰問May姐？莎姐形容May姐個人好strong，梗係唔會同佢呻，只係戥佢唔抵，「佢都好慘呀，作為朋友我覺得好慘囉，點解要咁樣鬧佢啫？」


莎姐重申May姐都算係滿足咗部份觀眾需求吖，否則點會有廿幾點收視？查實呢，呢個咪就係市民想有多個台嘅原因囉！