隔牆有耳：制服誘惑　青姐為快餐店賣髀 - 李八方

著名股評人胡孟青瞓身推介大家樂……大家咪心急掃貨住，青姐係推介大家樂嘅炸雞髀箒！高價幫大家樂拍廣告嘅青姐，噚日亦有出席大家樂45周年記者會，而且唔只現身支持咁簡單，仲大玩制服誘惑，着晒大家樂八十年代女店員制服，扮成大家樂女郎行catwalk，效果都真係幾有爆炸性。


青姐更加瞓身推介大家樂四款經典小食，仲話自己唔係賣廣告。青姐自爆第一份工就喺中環返工，當年每日一到下午茶時間，辦公室內就有人大叫「幾多份炸髀」，青姐都係日子有功，先至鍛煉成今日嘅身形。最後青姐冇忘記自己股評人嘅天職，大聲叫人趁低吸納大家樂……嘅炸髀。