隔牆有耳：戒蒜隱行蹤　櫪木縣忍者襲港 - 李八方

有冇諗過今時今日仲有忍者？答案係有嘅。原來喺日本古代，忍者同間諜無異，專責執行秘密行動，最早出現喺400多年前嘅江戶時代，日本櫪木縣就係當年嘅忍者搖籃。


噚日咁啱就有五位櫪木縣黑影忍者部隊成員去到荷里活廣場，表演擲飛鏢等秘技，有女忍者話，佢哋除咗要識武術、又要學識跟蹤時點樣「隱身」，其中嘅秘訣包括唔可以食蒜頭，點解？因為氣味濃烈，容乜易跟跟吓俾個target發現咗㗎？


今時今日，日本櫪木縣啲忍者都好少做跟蹤工作啦，佢哋主要工作係做推廣大使，向全世界宣揚忍者文化傳統。