隔牆有耳：開源有計　立法會賣郵票𢱑銀 - 李八方

立法會都幾識做生意，佢哋準備12月開始搞一個名為「從立法局到立法會」嘅展覽，一方面吸引多啲人去立法會參觀，仲同時推出新一套紀念郵票，打埋訪客銀包嘅主意，相信幫到立法會開源。


呢個由12月5日至明年1月28日嘅展覽，食正聖誕同新年檔期，到時會展出立法機關組成、職能同演變過程外，亦會展示前任、現任議員同新舊大樓、新舊會議廳嘅相，仲有一啲檔案藏品。


至於精品方面，最貴嘅係價值90蚊嘅特別郵票套摺，內有四款郵票，以立法會新舊大樓外貌、會議廳及主席椅為主題，其次分別有價值70蚊嘅郵票連明信片，以及價值25蚊嘅明信片。


另外，狼英會同行會成員及狼班子高官，下周五去立法同議員午宴，至今有48個議員報名。