隔牆有耳：幫拖嗌咪拉票　葉劉違反選舉指引 - 李八方

京士柏選區前日進行補選，自稱「獨立」嘅鄧浩斌獲多名建制大佬、議員為佢站台，不過最終都係慘敗，仲連累為佢拉票嘅新民黨主席葉劉淑儀違反〈選舉活動指引〉㖭呀。


由於唔想候選人拉票活動影響居民，所以選舉活動指引訂明「候選人在晚上9時至翌日早上午9時這段時間內進行競選活動時不得使用揚聲器」。不過有人影到葉劉周日晚幫鄧浩斌拉票，當時已經過咗9點半，但佢仍然用大聲公聲嘶力竭為鄧浩斌拉票，一路嗌到10點就「換班」，由民建聯鍾港武接力繼續嗌，擺明當啲選舉活動指引係死嘅。