隔牆有耳：　黃鴨縮水再現香港 - 李八方

自從巨鴨走咗，香港人好似少咗一啲歡樂。不過呢，喺噚日一個風和日麗嘅早上，立法會議員梁繼昌喺淺水灣暢泳之際，喺換氣間抬頭一望，竟然發現久違嘅黃色巨鴨（圖），喺海中心笑住同佢say hi。唔通巨鴨悄悄回歸香港？


其實呢隻只係A貨小巨鴨，係公益金百萬泳嘅分段標記，都足足有兩米高㗎，碧波暢泳時睇到呢隻小巨鴨，可能會游得快啲呀！今年有五位立法會議員參加咗百萬泳「領袖邀請賽」，鍾國斌游得快好世界拎咗第一，梁繼昌就以9分鐘完成賽事，執番個梗頸四。